Бугарските државјани кои пред шест денови беа приведени од полицијата под сомнеж дека вршат недозволена трговија со македонското културно наследство (делови и предмети од македонски народни носии) заработија кривични пријави. Се обидувале со товарно и патничко возило да ги изнесат предметите без дозвола надвор од границите на Македонија :
ОВР Демир Хисар поднесе кривична пријава против А.В.Г.(50), К.А.К.(44) и Т.К.К.(48), сите од Република Бугарија, поради постоење основи на сомнение за сторено кривично дело „неовластена трговија со добра под привремена заштита, културно наследство и природна реткост“. На 09.12.2025 на ул.„Вељко Влаховиќ“ во Демир Хисар, полициски службеници извршиле преглед на товарно возило „пежо“ со бугарски регистарски ознаки, управувано од првопријавениот и патничко возило „голф“, управувано од третопријавениот, а сопатничка била второпријавената, при што се пронајдени и одземени предмети кои претставуваат културно наследство.