Регулаторната комисија за енергетика (РКЕ) денеска соопшти дека од 1 јануари 2026 година ќе се зголеми цената на електричната енергија за домаќинствата. Поскапувањето ќе изнесува:
Првиот блок – 2,45%
- Вториот блок – 2,87%
- Третиот блок – 3,32%
- Четвртиот блок – 3,84%
- Евтината тарифа – 2,5%
Претседателот на РКЕ, Марко Бислимовски, посочи дека ова се значително пониски корекции од предложеното зголемување од страна на ЕВН ХОМЕ, кое беше многу поголемо: 7,66% за првиот блок и до 11,86% за четвртиот.
Според РКЕ, за 85% од домаќинствата, поскапувањето ќе изнесува околу 2,28% или 57 до 70 денари на просечната месечна сметка.