Јавното комунално претпријатие Комуна Крушево информира дека водата од градскиот водовод е повторно исправна и безбедна за пиење :
„Известување до граѓаните на Општина Крушево!!!
Ве информираме дека водата од градскиот водовод повторно е исправна и безбедна за пиење. По техничкиот проблем со системот за хлорирање, кој беше предизвикан од прекин во електричното напојување, дефектот е отстранет и извршени се сите потребни контроли. Лабораториските анализи потврдија дека водата ги исполнува сите законски параметри за квалитет и може слободно да се користи за пиење, подготовка на храна и останатите потреби во домаќинствата. Им благодариме на граѓаните за трпението и разбирањето. Општина Крушево и понатаму продолжува со редовен мониторинг за обезбедување квалитетна и безбедна вода за сите,“ стои во соопштението на ЈП Комуна Крушево.