Во убава, креативна и инспиративна атмосфера, денеска во ЦК “Марко Цепенков” во Прилеп, заврши Работилницата за мозаик наменета за младите, што Центарот за култура ја реализираше со поддршка на Министерството за култура и туризам. 
15 ученици од основните прилепски училишта, под менторство на м-р Александра Димитрова, учеа за мозаик и создадоа интересни мозаични дела, кои прилепската јавност ќе ги види на изложба. 
Директорката на Центарот, Марија Попова Јованоска и координаторот Марјан Стојаноски, на учесниците за успешната активност и покажаниот интерес им врачија благодарници.