Меѓународниот патнички воз на релација Белград – Солун – Белград од октомври до 15 јуни следната година, нема да сообраќа. И, покрај напорите на Македонски железници-транспорт, по состанокот одржан во Белград, од „Србија воз” биле категорични дека оваа железничка линија им е неисплатлива да вози во текот на целата година.
Попуштил мост на железничката линија Велес-Гевгелија
Железничкиот сообраќај Велес-Гевгелија од денеска ќе биде во прекин поради појавени деформации на бетонски мост што се наоѓа помеѓу станица Градско и крстосница Кукурeчани.
Како што соопштуваат од МЖ Транспорт, прекинот ќе трае до завршување на санацијата на дефектот.
Во меѓувреме, возовите кои сообраќаа на релација Скопје-Гевгелија и Гевгелија-Скопје, ќе сообраќаат само до Велес и обратно.