Во тек е традиционалниот турнир во мал фудбал во организација на ФК Црнилиште, а се одржува на отворено, на асфалтното игралиште во ова населено место. Почесен гостин, и турнирот го отвори Езџан Џани Алиоски, македонскиот репрезентативец родум од Црнилиште, кој што предизвика огромно внимание и почит кај неколку илјадната публика. Најрадосни беа децата кои ја искористија приликата да направат фотографии со нивниот идол. Инаку, Алиоски настапува за Лидс во англиската Премиер лига, а во Македонија е на заслужен одмор по завршување на настапите на македонската репрезентација на Еуро 2020.
На турнирот учество ќе земат вкупно 27 екипи од долненско, Прилеп, Кривогаштани, Битола и Велес. Натпреварите се одигруваат во вечерен термин со почеток од 19 часот. Обезбедени се вредни награди за најдобрите 3 првопласирани екипи: прво место 1000 евра, второ место 500 евра и за трето место 300 евра, како и 4 комплет дресови. Турнирот е подржан од судиската организација на ОФС Прилеп, како и од многу спонзори од регионот, меѓу кои и станица за технички преглед Авто Контрол Прилеп.
