„Среќа е“ (Sreća je) е насловена новата композиција испеана од познатиот прилепски пејач Теди од дуото „Теди и Рубин“ и неговата сестра Билјана позната по учеството во регионалното шоу „Никогаш не е доцна“
Станува збор за медитеранска, романтична мелдодија со порака за љубов. Песната нe’ учи дека среќата не е во очекувањето туку во давањето на љубов кон ближните. Истата е плод на соработката помеѓу композиторот и аранжерот Нихад Володет од Сараево и пејачката Билана Зероска која потекнува од Прилеп, но живее во Лондон.
Пораката е да го успориме животот за да почувствуваме колку сакаме и колку сме сакани.
Музиката и аранжманот за композицијата се на Нихад Володер, текстот е на Билјана Зероска, а спотот во режија на актерот Игор Трпчески го изработи Фан Продукција. Во спото, снимен во винаријата Камник и во ресторанот Цесарица во Скопје, гостува музичката група Тхе фоур, а учествуваат и актерите Бобан Алексоски и Надица Петрова.
Премиерата на песната и наспотот се случи на TВ Хајат, а предвидена е македонска и балканска промотивна турнеја.
Билјана и Теди Зероски месецов настапија и на манифестацијата „Лушке зјезде певају“ во Вела Лука, Хрватска.