Дел од коритото на Градската река, по втор пат екипите на ЈКП Комуналец го средија и исчистија од високата трева и отпадот што неконтролирано се фрла и покрај контејнерите во непосредна близина на реката покрај домашните за селекција на отпадот.
Апелираат комуналците да не се фрла отпадот таму каде што не му е местото, а секако не во коритото на Градската река, туку во кантите и во соодветно обележаните специјални контејнери и садови за селекција.
Чисто е убаво, здраво и влева почит кон јавниот простор како јавно добро, што треба сите ние да го одржуваме бидејќи тоа е наша заедничка животна средина.
Да се грижиме за заедничкиот двор, подеднакво како за сопствениот!
