На 29.07.2026 (среда) на територијата на Општина Прилеп ќе се спроведе втората фаза на превентивна ларвицидна дезинсекција. Дезинсекцијата ќе ја изврши ЈЗУ – Центар за јавно здравје Скопје, додека стручен надзор над спроведувањето ќе врши ЈЗУ – Центар за јавно здравје Прилеп.
Со активностите ќе бидат опфатени околу 30 хектари површини со стоечки води и потенцијални жаришта за развој на комарци, меѓу кои: бари, мочуришта, фонтани, одводни канали, градската река и други водени површини.
Целта на ларвицидната дезинсекција е навремено уништување на ларвените форми на комарците и намалување на нивната бројност, со што се придонесува за заштита на јавното здравје и создавање поздрава животна средина.