Без исполнување на цензусот од 40 проценти излезност на запишаните избирачи во првиот круг, претседателските избори ќе пропаднат, на гласачкото ливче нема да стои новото име на државата туку само имињата на кандидатите и знамето, а какво решение на новоизбраниот претседател ќе му издаде ДИК ќе остане енигма барем уште некое време.
Доколку на првото гласање излезноста е под уставните 40%, тогаш се распишуваат нови избори кои ќе треба да се одржат за 40 дена.
На претседателските избори ќе се натпреваруваат вкупно тројца кандидати, Гордана Силјановска Давкова, Стево Пендаровски и Блерим Река. Првиот круг е закажан за 21 април, а вториот ќе се одржи на пети мај.