Полексенија Јованоска се пласира во мечевите за медали на 54 европско првенство во карате, на кое учествуваат 508 каратисти од рекордни 51 земја.
Во натпреварите во кати според новиот систем на бодување Полексенија Јованоска мина 3 кола и обезбеди меч за бронзен медал. Нашата најдобра натпреварувачка во кати пред три години во Монпелје оствари пласман на 5 место, што е досега најдобар резултат во оваа дисциплина во поединечна конкуренција.
Денеска на програмата на европскиот шампионат се борбите во екипна конкуренција, на кои ќе настапат нашите каратистки и каратисти во борби. Борбите за бронзени медали се во сабота од 9.30 до 11.30 часот, кои ќе се пренесуваат во живо на karateworld.tv каде што ќе настапи Јованоска.
Европскиот шампионат се одржува од 28. до 31. март во Гвадалахара, Шпанија.
Прилепчанката Јованоска ќе се бори за бронзен медал на Европското карате првенство
