Театарот „Војдан Чернодрински“, в среда, на 5 јуни , во 20 ч премиерно ќе ја изведе претставата „Семејни приказни“ во режија на Милош Б. Андоновски.
Во текстот на српската драмска авторка Биљана Србљановиќ станува збор за игра на четири деца во која постепено се откриваат лични семејни приказни, односот на родителите, семејното насилство, политичките метастази, како и целиот општествен контекст. 
Претставата „Семејни приказни“ е прв професионален ангажман на режисерот Андоновски во прилепскиот театар. Сценографијата за прествата е на Наташа Вчкова, костимите се на Марта Дуфне Јосифовска, а во претставата играат: Јасмина Мицовска Станкоска, Илија Волчески, Катерина Чакмакоска Клинческа и Димитар Црцороски.