Викендов Крушево веа додели наградите на најдобрите параглајдеристи, и со тоа официјално заврши Пролетниот параглајдинг куп 2019.
Наградите беа доделени во три категории: мажи, жени и севкупни победници. Општина Крушево за најдобрите додели награди во две, од трите категории и тоа: напреден инструмент за летање, Вариометар со ГПС уред и резервен падобран.
Пролетен меѓународен параглајдинг куп Крушево 2019 година е дел од Проектот за локална и регионална конкурентност финансиран од Европска Унија, имплементиран од Кабинетот на заменик министерот за економски прашања во Владата на Република Северна Македонија и општина Крушево, а Светска Банка се јавува како администратор на проектот.