Во ликовната галерија од ЦК„Марко Цепенков“ утре во 19.30 часот ќе биде отворена изложба на дигитални генерирани слики од Оливер Маринкоски, кој за првпат ќе се претстави пред прилепската јавност.
Авторот е иронично настроен критичар кон некои трендови на модерната цивилизација чии последици одамна ги чувствуваме. За разлика од неговите претходни дела на надреализам, хорор и антропоморфни суштества, тој со оваа изложба на дигитални генерирани слики гледа да ја достигне истата цел, но со совршенството на античките старословенски божества претставени рамо до рамо паралелно со новите римски и хеленистички еквиваленти.
Оливер Маринкоски, роден во Тетово. Завршил средно уметничко училиште во Скопје и Факултет за уметност и хуманистички науки на Тетовскиот Универзитет 2005- 2009. Работи како графички дизајнер и 3Д моделар.
Има реализирано три самостојни изложби во Скопје , а учествувал и на групни изложби во земјава.
Прва изложба на Оливер Маринкоски во Прилеп
