Се одржа и втората емисија „Од млади за млади“ како дел од проектот „Учење за медиумите од најмала возраст“ на тема: „Пловење низ медиумската писменост“. Гости во емисијата, овој пат, беа новинарите Снежана Каратошеска, новинар и уредник во локалното прилепско радио, „Радио Холидеј“ и Елизабета Филипоска, новинар во локалната радио станица, “Радио Пела“, Кривогаштани. Младите водителите, Михаела Петреска и Христијан Пусоски се интересираа за тоа: „Кој е предизвикот да се работи во локална радио станица?„,“Кои се предностите, а кои се тешкотиите да се работи како новинар во локалната заедница?“, “Како локалните новинари знаат кои информации треба да ги селектираат во нивните информативни програми и дали се соочуваат со „лажните вести?“. Младите водители , пловејќи низ медиумската писменост се е интерсираа и за тоа “дали новинарите се борци за објективноста или за вистината? Какво е времето денес за оваа професија, тешко или поедноставно?“… Емисијата се емитуваше и преку “стриминг“ на социјалната мрежа facebook , каде слушателите имаа можност да ја следат и визуелно
https://www.facebook.com/radiopela/videos/2856803951006884/
Активноста на радио Пела е во рамките на проектот „Промовирање на медиумска и информациска писменост и зајакнување на независните медиуми во Западниот Балкан„ кој го спровeдува Македонскиот институт за медиуми и Албани асошиејтс заедно со регионални организации за развој на медиумите. Проектот е финансиран од Британската влада.