Градоначалникот на општина Крушево изврши увид во работите за изградба на мала хидроелектрична централа во село Долно Дивјаци. Мини хидроцентралата ќе се гарди на реката Жаба, која e лева притока на Црна река и за која се проценува дека нејзините речни води би можеле да послужат како извор за производство на електрична енергија. Течението на реката Жаба започнува од Бушева Планина и по своето течение,таа поминува низ селата Арилово и Долно Дивјаци.
Ова е втора мала хидроцентрала која се гради на територија на општина Крушево. Првата е во с. Острилци, која започна да се гради мај 2018 година
Еко став
Дел од екологистите во Македонија сметат дека мини хидроцентрали не треба да се градат оти го нарушуваат еко системот на природата. Тие предлагаат средствата да се пренаменуваат за поставување на соларни панели, „бидјеќи сонцето не се троши, а чистите води ги има се помалку“ .
Инаку, речиси дванаесет години македонската влада издава концесии за изградба на мали хидроцентрали, а десетина години трае битката на невладините организации и локалното население против нивната изградба. Владите остануваат на тврдењата дека овие капацитети се потребни за да се зголеми производството на енергија од обновливи извори, а оние кои се против, тврдат дека само се прави штета на природата.