Еколошките организации од целиот Балкан, за прв пат досега, се здружуваат во заеднички протест против загадувањето на воздухот!
Скопје, Белград, Приштина, Призрен, Подујева, Подгорица, Сарајево, Зеница и Бања Лука, 9 градови од 5 држави на 28-ми февруари, в петок во 18:00 часот ќе излезат заедно на улица, во знак на солидарност.
„Време е да се обединиме заедно, како народ од сите држави, против одлуки и политики кои дозволуваат загадување на нашиот воздух, нашите деца и нашата иднина. За смогот граници не постојат, истото важи и за нас! БАЛКАНОТ БАРА ЧИСТ ВОЗДУХ“, се вели во повикот од еколошките организации
Во Скопје протестот ќе се одржи в петок во 18:00 пред Министерство за животна Средина.