Со тоа се потврди вчерашната препорака од Советот за безбедност кој се состана кај претседателот Пендаровски.Ова ќе значи дека Армијата се вклучува во битката со корона вирусот, а државата може да ги користи ресурсите на приватните болници во битката со Ковид-19. Кризната состојба ќе трае во следните 30 дена и не значи дека ќе има и полициски час.
Владата заклучи и Главниот штаб при Центарот за управување со кризи веднаш да започне со подготовка на Акциски план за превенција и справување со ширењето на вирусот, како и целосен преглед за расположливи човечки и материјално-технички ресурси и план за координирано дејствување.
Исто така, Владата донесе заклучок и Министерството за внатрешни работи, Министерството за одбрана, Министерството за здравство, Армијата, Центарот за управување со кризи и Дирекцијата за заштита и спасување, сите расположливи капацитети и ресурси да ги стават во функција на справување со кризната состојба.