Од Министерството за земјоделство, шумарство и водостопанство стигна официјално соопштение дека утре, петок, со почеток во 12 часот во Скопје, во просториите на министерството, ќе се одржи средба меѓу претставници на тутунопроизводителите и откупувачите.
„Утре, (петок) 04.12.2020 година, во просториите на Министерство за земјоделство, шумарство и водостопанство, министерот Арјанит Хоџа ќе одржи работен состанок со тутунопроизводителите и откупувачите на тутун“, стои во соопштението.
Средбата доаѓа по големиот број негативни реакции за стартот на тутунскиот откуп и подготовките за протести на тутунарите на социјалните мрежи. Земјоделците бараат фер проценка на вагите за актуелната реколта, бидејќи велат дека производството се цени за 1 до 2 класи пониско од реалната вредност. Откупот на тутунот започна од 16 ти ноември, а досега се вклучени вкупно 3 компании.