Минималната потрошувачка кошничка во февруари изнесувала 33.702 денари, покажуваат пресметките на Сојузот на синдикати на Македонија.
Најмногу пари или 14.078 денари биле потребни за храна и пијалоци, 10.825 денари за потребите во домот и 2. 478 денари за превоз. За обувки и облека биле потребни минимум 2.131 денар, а за културни активности само 1.067 денари.
Наспроти вредноста на потрошувачката кошничка, последните пресметки на Државен завод за статистика покажуваат дека просечната плата во декември изнесувала 28.294 денари.