Моминско Оро , Пелагониски Са , Софино оро и неговото најново музичко остварување Сложувалка , се дел од богатата музичка кариера на Менде Ташкоски , виртуоз со харомониката , човек кој верува во она што го работи долги години и успешно го претставува на публиката.Човек кој работи и како наставник во основното музичко училиште во Прилеп , Ордан Михајлоски – Оцка, насока народни инструменти. Ташкоски долги години е на музичката сцена и е дел и од прилепската група Балканика.
За време на гостувањето во нашата програма во живот , Ташкоски истакна дека е горд на себе што толку години работи и твори со звуците на македонскиот мелос , кој како што тој рече треба да си го негуваме од мали до големи. Разговорот во целост можете да го погледнете подолу.
