Елена Андоновска сме ја гледале и слушале на македонската музичка сцена и никогаш не е доста од глас кој плени и девојка која пее милозвучно и од душата. Прекрасен вокал кој и нас како медиум не почести со нејзиното присуство во нашата програма. Ни даде можност од поблиску да се запознаеме со нејзината музичка кариера која е поврзана со традицијата и фолклорот од една и соработката со музичката група Седенка од друга страна .
Андоновска со својот глас ги буди емоциите кај публиката , зашто како што и самата вели , музиката ја пренесува онака како што ја доживува , дали кога работи во студио или на свадбени моменти кога е заедно со бендот Седенка.
Елена како естраден уметник е продуктивна во она што го сака да го работи , затоа за својата публика го реализираше и вториот нејзин албум ” Запеало славеј пиле” , музичко издание составено од десет македонски народни песни отпеани во етно стил со нов аранжман. Разговорот со македонската фолк пеачка Елена Андоновска погледнете го во целост подолу.