Дали вакцината Астра Зенека е безбедна, беше прашан Министерот за здравство, Венко Филипче, кој присуствуваше на отворањето на модуларната болница во Прилеп.
„Освен младата девојка од 28 години, која сега е во стабилна состојба, досега немало случај на компликации од вакцината Астра Зенека – истакна министерот и додаде – За тоа, дали ќе се намали старосната граница за примање на оваа вакцина, чекаме официјален став на Европската агенција за лекови или ЕМА, која следната недела ќе има состанок и тоа ќе го чекаме заради сигурност на граѓаните, бидејќи тоа ни е приоритет. Но, бевме многу внимателни, и сеуште сме, после укажувањето на германската и канадската агенција, со што паузираа давањето на оваа вакцина на помладите возрасни групи.“-рече тој
„Од овие 4000 кои што беа наменети за 24.000 најпрви за критичната структура граѓани, затоа што пријавени за вакцинација беа 20.000 лица над 77 години, сега ќе ги додадем. Значи ќе продолжи вакцинацијата со Астра Зенека кај постарите граѓани, а остантите граѓани кај што инфраструктурате е покритична, помлади луѓе вработени во МВР ,АРМ, и во институции каде има поголеми контакти со граѓаните, ќе биде вакцинирани со вакцината „Спутник„- рече Филипче