Македонскиот шампион во женски фудбал, Саса од Каменица, на седум дена пред настапот во Лигата на европските шампиони, одигра пријателски меч со Деспина, на игралиштето со вештачка трева во Прилеп.
Во текот на целиот натпревар врнеше силен дожд, па речиси немаше гледачи, но девојките на двата тима издржаа до крајот. Саса беше подобра и победи, покажувајќи дека е во добра форма и може да го даде максимумот на дуелот со прочуениот италијански тим Јувентус од Торино. Мечот Јувентус – Саса се игра в среда, на 18 август, во Торино.