Започна миењето на сообраќајниците и тротоарите низ градот, екипите на ЈКП ,,Комуналец’’ Прилеп, започнаа со темелно миење на сообраќајниците и тротоарите во градов. Заради ниските ноќни температури и неможноста оваа операција да се извршува во ноќните часови, миењето на улиците ќе се одвива од 06.00 часот наутро, па се до пладневните часови, информираат од Комуналец:
„Граѓаните да бидат стрпливи, посебно возачите на автомобили, зашто оваа операција ќе потрае подолго време, се додека улиците не бидат комплетно исчистени од остатоците од зимското одржување и наталожената прашина. Разбирливо е да се јавува одредена нервоза кај граѓаните, но истите треба да се воздржат од реакции спрема вработените од ,,Комуналец’’, зашто првото миење и чистењето на се она што остава зимата зад себе е најтешката операција за нив,, “апелираат од ова јавно претпријатие.
