Деновиве во Рига (Латвија) се одржа генералното годишно собрание на Европската Боксерска Унија Е.Б.У за професионален бокс.На собранието учествуваше македонската асоциација Про Бокс Македонија , делегат беше Дарко Чатлески при редовниот избор на претседател и членови на управен одбор. За нов претседател беше избран Петер Стуцки од Швајцарија.
Агендата имаше 14 точки а најголем акцент се стави на заштита на здравјето на боксерите. Постојните мерки за прегледите на боксерите да се почитуваат и да не се прават отстапки. Еден од најважните прегледи на професионалните боксери е МРИ на глава.
Новиот претседател Петер Стуцки при разговорот со македонските претставници истакнал дека е задоволен и од работата на Про Бокс Македонија . Договорена е средба во блиска иднина , претседателот Стуцки и дел од одборот на Е.Б.У да бидат гости во нашата земја. Следното генерално собрание 2023 година ќе се одржи во Малта.