На денешното собрание на МТФ „Војдан Чернодрински“, одржано во Скопје, д-р Ана Стојаноска, театролог, професор, е избрана за нов претседател на собранието на Фестивалот. Изборот на новиот претседател доаѓа откако собранието на МТФ „Војдан Чернодрински“ констатира дека е изминат мандатот на досегашниот претседател Катерина Коцевска Хаџавасилева.
Со надеж дека ќе продолжи одлична соработка со сите театри, Стојаноска, по нејзиниот избор вели:
„ Главниот мој фокус ќе биде создавање на фестивал според современите страндарди, фокусиран на домашната драма и новиот театар, со сериозен концепт и можност да се види каков театар создаваме денес, со програми што ќе го „оживеат“ театарскиот сјај и со грижа за театарското наследство.“