По завршувањето на натпреварот на Победа со Шкендија на градскиот стадион во Прилеп, шест навивачи предизвикале немили сцени, со обиди за физички напади кон членовите на управата и играчите, при што морала да интервенира полицијата.
На 02.10.2022 во Прилеп, по завршување на фудбалскиот натпревар од Првата македонска фудбалска лига помеѓу ФК „Победа“ од Прилеп и ФК„Шкендија“ од Тетово, лицата Ф.И., В.С., Н.Н., А.И., К.С. и Д.Х. и други лица од Прилеп влегле на фудбалскиот терен со цел физички да се пресметаат со управата и играчите на ФК „Победа“, а при интервенција на полициски службеници тие агресивно се однесувале кон и нив и ги спречувале во извршувањето на службените дејствија. По целосно документирање на случајот ќе биде поднесена соодветна пријава, стои во полицискиот билтен на СВР Битола