– Чест ми е што денеска се пријавија толку жени да ги промовираат своите производи и да докажат дека тие се чувари на традицијата.Се надеваме дека навистина ќе се афирмира улогата која жените ја имаат во земјоделскиот сектор ќе се обезбеди поддршка да се вреднува нивниот труд и земјоделскиот сектор да стане профитабилен сектор, а нивните бизниси одржливи“, рече Марина Тошеска, ЛАГ АГРО ЛИДЕР.
Во регионот на прилепска Пелагонија жените од селото обезбедуваат егзистенција од земјоделските и занаетчиските производи, книги, рачни изработки. Потребно се модифицирани мерки кои ќе ги поттикнат жените да создаваат и да бидат реално вреднувани за својот труд. Селските домаќинства имаат проблеми со инфраструктурата, а пред се’ со пласманот на производите.
На саемот во Прилеп покрај земјоделки, занаетчивки, млекопреработувачи, учествуваа и учениците од прехрамбената и земјоделската струка при СОУ „Орде Чопела“ од Прилеп. Презентацијата на производите од вредните раце на жените од руралните средини предизвика голем интерес кај прилепчани, што пак го иницира прашањето за одржување на традиционален саем на производи во Прилеп.
Организаторите се надеваат дека руралната жена со сите овие манифестации и апели конечно ќе го добие заслуженото место во општеството.