Жителите на село Дабница до нашата редакција испратија фотографии на кои се гледа во колку лоша состојба се селските гробишта. Велат ова не е прв пат да се краде и уништува. 
Црквата е гробиштата се постојана мета на крадците и дрвокрадците. Старите багремови дрвја некој си ги исекол и ги присвоил. Црквата е повеќе пати е ограбувана, така што на ваквите зулуми надлежните треба да им стават крај.
Дабница е познато село кое има дадено 19 жртви во НОБ, а сега ова населено место нема прооден пат иако е на само 4,5 км до градот. Патот кој што води до селото е во катастрофална состојба, депонии на секој чекор, така што иако блиску, ова село е отсечено од цивилизацијата.
Дабничани го повикуваат градоначалникот Јовчески, полицијата да преземат мерки за заштита од понатамошно скрвнавење на гробиштата и селската црква.