Уште неколку денови остануваат до „ Прилеп OUTLET Weekend“ кој ќе се одржи на 17ти и 18ти февруари, во организација на Општина Прилеп и прилепската чаршија. Настанот е замислен како голем „шопинг мол“ на отворено во целиот град, а муштериите посетувајќи ги трговските дуќани во Прилеп, ќе уживаат во шопинг забавата, добрата услуга, љубезноста и гостопримството на прилепската чаршија, надалеку позната по својата ексклузивност, квалитет и трговски шарм. Трговците на своите дуќани ќе имаат налепница со заштитен знак на настанот, а попусти ќе има до 70% на секое ќоше!
Чаршијата под Марковите кули ќе ги отвори вратите за сите купувачи од 08:00 па се до 19:00 часот. Покрај попустите во трговските дуќани предвидени се интересни содржини и пакет-услуги во кафетериите и кафулињата за време од дводневното шопинг искуство на 17ти и 18ти во Прилеп.