Свеченостите по повод големиот православен празник Богојавление Водици започнаа со утрена богослужба во храмот на Пресвета Богородица каде присуствуваа голем број верници. Традиционално, претпладнево во базенот во дворот на црквата се одржа положувањето на чесниот крст во водите, учествуваа десетина млади. Трета година најсреќен беше Костадин Петкоски кој го извади чесниот крст од водите на базенот. Костадин посака здравје и среќа, а доби благослов и пригодни подароци.
Во тремот на црквата „Пресвета Богородица“ се одржа традиционален собир и ручек на мештаните и гости по повод Богојавление Водици.
