Најмногу дожд во изминатите 24 часа наврнал во Охрид, 38 литри на метар квадратен, соопшти Управата за хидрометеоролшки работи. Според мерењата утрово во 8:30 часот, 27 литри на метар квадратен наврнало во Маврови Анови, 23 во Крушево, додека 13 литри наврнале во Битола и Прилеп.
„Денес времето ќе биде променливо облачно со повремени врнежи од дожд. Попладне ќе има локална нестабилност со пороен дожд, грмежи и услови за појава на краткотрајно невреме со интензивен пороен дожд, силен ветер и изолирана појава на град,“ информираат од УХМР.Максималната температура ќе биде во интервал од 21 до 27 степени.
Жолт метео аларм има и за деновите од почетокот на работната недела и според синоптичарите не’ очекува слично време со многу нестабилност, ветер и услови за пороен дожд.
