Во финалето на Меѓународниот меморијален турнир „Миле Нешкоски“ утре, 1ви септември се среќаваат македонскиот ракометен суперлигаш ГРК Охрид и Еурофарм Пелистер 2. Охриѓани денеска беа подобри од српската екипа на Врање (28-22) .
Уште на стартот ГРК Охрид се одлепи со 4-1. Потоа, беше 9-4, а иако Врање на полувремето дојде само на „минус два“ (13-11), сепак, триумфот го задржа македонскиот тим.
Вториот финалист го даде дуелот меѓу Тиквеш и Еурофарм Пелистер 2 (21:30).
Утре, последниот ден од турнирот финалето е закажано за 15 часот во спортската сала на СОУ „Ристе Ристески Ричко“ по што ќе следи свеченото затворање. Претходно од 13 часот се игра за третото место, а од 11 часот е натпреварот за петтото место.