Женскиот хор при ООУ “Климент Охридски” – Прилеп, здружението “Преродба” и нивните пријатели и музички соработници, музичката група “Тајфата”, направија маестрален музички спој на младост, искуство и професионалност. И, сето тоа, со помош и организација на наставникот Бојан Митрески и менторот – наставник, Маја Џопа, се преточени во прекрасната изведба на Македонската народна песна “Отвори ми бело Ленче“ која денес на својот ФБ профил ја промовираше директорот на ООУ Климент Охридски, Ахил Јаков.
“
Песната што ќе ја слушните денес е вистински бисер на музиката. Низ неа, нашите ученици го сполотија својот талент и емоција, создавајќи нешто што допира до самото срце. Секој тон, секоја нота ја пренесува не само музиката туку и душата на учениците. Убавото пеење не се сведува само на совршена изведба, туку на искреното и длабоко поврзување со тие што слушаат. Оваа песна е како мост помеѓу младоста и искуството на музиката и емоцијата во нас. Нешто што не не остава рамнодушни.“ напиша на ФБ профилот директорот на ООУ “Климент Охридски”, Ахил Јаков, горд на своите ученици.