Во пресрет на новогодишните и божиќните празници, Агенцијата за храна и ветеринарство почнува со спроведување на засилени, вонредни контроли кај операторите со храна. Со цел заштита на здравјето на најмладата популација потрошувачи – децата, акцент со контролите е ставен на новогодишните пакетчиња и нивната безбедност.
Некои компании се обидуваат да манипулираат со потрошувачите, особено со новогодишните пакетчиња, па во збирното пакување подметнуваат и небезбедни производи, најчесто производи со поминат рок на употреба. За ваквите недоследности, граѓаните веќе алармирале до Агенцијата за храна и ветеринарство.Од Агенцијата апелираат до граѓаните ваквите недоследности да се пријавуваат!