Прилепските пожарникари повторно, и ова лето, во битката со пожарите на отворено.
Густ чад и јака миризба попладнево го “покри“ Прилеп. Гори сува трева, дабничко, над месноста викана “Три Багреми“. Пожарот е започнат во близина на споменикот кај Дабница, и порди силината на ветрот, се шири со огромна брзина кон ридот Зеленик.
Пожарот досега зафатил 100 хектари површина , а екипите од ТППЕ -Прилеп веќе неколку часа,поради ветрот, се борат со огнените јазици, со 15 – есет прожарникари и три протипожарни возила.
Попладнево во 13, оо часот во ТППЕ – Прилеп беше пријавено дека гори сува трева кај месноста Дабница над “Три Багреми“. Екипите на ТППЕ веднаш излегоа на терен.
ПОЖАР ВО МАРИОВО – ОПАСНОСТ ОД НЕЕКСПЛОДИРАНИ ГРАНАТИ
Покрај, тоа, во близина на Прилеп продолжува пожарот во атарот на с. Бешиште ,мариовски, кој веќе е распламтеен пет дена. Пожарот е приземен, во густа мешана шума на стрмен терен. На терен се 3 пожарникари со 1 ПП возило и 4 вработени од ЈП „Национални шуми“ – Прилеп со 1 возило.
Поради густа шума и постојани детонации од неексплодирани убојни средства (НУС), невозможно е делување од воздух,велат од ЦУК. Поголема интервенција од земја засега не е можна поради безбедносни ризици.
Денес тие правеа проценка дали пожарот би се движел кон терен каде би била можна воздушна поддршка