Полицијата лиши од слобода три лица кои се сомничат дека се потпалувачи на пожарот кој што ја зафати дивата депонија вчера, 24.09.2025. Се сомничат за „ предизвикување на општа опасност по чл.288 од кривичен Законик“, стои во информацијата од СВР Битола:
На 25.09.2025 во 10:30 часот во Прилеп, полициски службеници од ОВР Прилеп ги лишија од слобода Ф.М.(38) од Битола, М.С.(56) и А.Н.(23), двајцата од Прилеп. Тие се сомничат дека на 24.09.2025 во населба Тризла во Прилеп намерно предизвикале пожар на дива депонија. Пожарот бил локализиран од екипа на Територијалната против пожарна единица Прилеп. По документирање на настанот, против нив ќе следува соодветна кривична пријава.