На улицата „Карпалак“ во Прилеп несовесен возач во саботата попладне возел со неверојатни 104 километри на час, на место каде што ограничувањето на брзината е 50 км/час, извести прилепската полиција.
Неодамна МВР упати апел до граѓаните да возат внимателно, затоа што стапката на смртност во сообраќајни несреќи во Македонија е огромна. Само на почетокот во ноември 5 луѓе го загубија животот во сообраќајки.
Во саботата, на 8.11, 2025 , полициски службеници од ОВР Прилеп, кои со радар мереле брзина на возила, забележале дека 40-годишниот Н.Ц. од село Кошино, општина Долнени, управувал „Ауди“ со прилепски регистарски ознаки со 104 километри на час, двојно повеќе од дозволената брзина во населено место.
По документирање на случајот, против Н.Ц. ќе следува пријава по член 297 од Кривичниот законик, за „безобѕирно управување со моторно возило“.