Се чисти речното корито на градската река во долниот дел од градот кај населбите Чачорица и Бончејца.Согласно временските услови овие активности траат веќе една недела,иако претходно еден период беа во прекин, заради неможноста да се вадат дел од насипите во градското корито , рече градоначалникот Проданоски , кој денеска имаше и увид на работењето на овој потег од речното корито на градската река.
„Денеска сме тука на лице место , од информациите што ги добив дека повеќе од триста кубни метри се извадени од речното корито , продолжуваме понатаму како што и неофицијално најавивме да го исчистиме големото корито до железничкиот мост , овде на кејската улица.Понтаму продолжуваме во втора фаза, кон мостот на улицата Трајко Николоски за да се заврши овој потег и да се симне нивото на големото корито во овој дел од градот,Пред извесни години поради недостаток на кејски ѕидови имавме и излевање на реката , денеска за разлика од цела Македонија,состојвата со градската река е стабилна, нема можност за излевање, и тоа е добар момент за нашата општина” , истакна градоначалникот на Прилеп , Дејан Проданоски.
Првиот човек на Прилеп , при оваа прилика , уште еднаш упати апел до сите граѓани на општина Прилеп , да не го фрлаат отпадот во градската река , зошто тоа прави големи штети и дека во градот има доволно локации и контејнери каде треба да се фрла отпадот.