Управата за јавни приходи (УЈП) без одговор зошто голем дел од македонските граѓани не ги добија своите средства кои им следуваат од скенирањето на фискални сметки.
Воедноне работеше ниту апликацијата МојДДВ во поголемиот дел од денот, односно граѓаните денеска не можеа воопшто да скенираат сметки.
Инаку, вчера беше последниот рок за исплата на средствата од скенирање на сметки, а голем дел од граѓаните не ги добија своите средства. Ова се случува за првпат од воведувањето на оваа мерка, која е една од ретките кои директно враќа средства кај граѓаните.
Се работи за редовниот поврат за последниот пресметковен период (јули, август и септември) кој пристигнува на трансакциските сметки.