Мермерениот комбинат – Прилеп донираше опрема за детските градинки „Наша иднина“- Прилеп. Донацијата, во вредност од 20 илијади евра, вклучува шест клима-уреди, печатачи, машина за сушење, ламинатни подови и детски шкафчиња – опрема, кој е распределена во сите објекти од установата .
“Ова донација дирекно влијае на подобрување на услови за престој, учење и развој на најмладите”, истакна, Христина Трпческа, директор на ЈУ детска градинка “Наша иднина”- Прилеп, која изрази искрена благодарение за донацијата.
Од Мермерниот комбинат , при оваа прилика, истакнаа дека вложувањето во градинките и во најмалите претставува вложување во иднината на целата заедница. Тие нагласија дека ова е само дел од континуираната поддршка што компанијата ја дава на локалната заедница и дека во иднина ќе продолжат со активности кои носат придобивки за граѓаните на Прилеп.
При оваа пригода, дечињата од градинките, во знак на благодарност им приредија на гостите пригодна програма и предизвикаа аплаузи кај посетителите.