На 24.01.2026 во 01.50 часот на ул. „Леце Котески” во Прилеп, полициски службеници од ОВР Прилеп го лишиле од слобода Х.Р.(38) од Прилеп.
Имено, при контрола во сообраќајот полициските службеници сопреле патничко возило „туран” со прилепски регистарски ознаки управувано од Х.Р. при што, констатирано било дека истиот управувал под дејство на алкохол, односно измерени му биле 1.73 промили алкохол во крвта.
По документирање на настанот против истиот ќе биде поднесена пријава за кривично дело „Безобзирно управување со моторно возило” казниво по чл.297-а од Кривичен законик, информираат од СВР Битола.