Во два разични случаи од терен, полицијата пронашла марихуана кај неколку жители од Прилеп и ги лишила од слобода, информираат од СВР Битола.
На 03.02.2026 во 00:40 часот на ул.„Дабнички завој” во Прилеп, полициски службеници од ОВР Прилеп ги лишиле од слобода М.С.(27) и И.Џ.(27), двајцата од Прилеп. При контрола на патничко возило „ауди” со прилепски регистарски ознаки, управувано од М.С., а сопатник бил И.Џ.(27), кај М.С. била пронајдена марихуана.
На 02.02.2026 во 19:00 часот на ул,,Дабничка” во населба Тризла во Прилеп, полициски службеници од ОВР Прилеп ги лишиле од слобода Д.Р.(33), Х.С.(23) и 13-годишник, сите од Прилеп, затоа што кај нив биле пронајдени и одземени марихуана и грутчеста материја.
По документирање на настани, против нив ќе следува соодветен поднесок.