Од денеска на местото на Бранко Нешкоски, за директор ЈП за ПУП – Прилеп , во чиј состав функционира јавниот градски превоз и паркинг просторот во Прилеп, назначен е Игор Неделкоски, Малку познат на јавноста. Инаку тој е дипломиран сообраќаен инженер, со 10 годишно работно искуство и доаѓа од приватниот сектор, како вработен во Станицата за технички преглед „Авто Контрол“ – Прилеп.
Промена на директорската позиција е направена и во ЈОУДГ „Наша иднина“ – Прилеп.
На местото на Христина Трпческа, за директор на ЈОУДГ „Наша иднина“ – Прилеп е назначена Билјана Петкоска, дипломиран професор по предучилишно образование, инаку, воспитувач во установата со 20 годинишно работно искуство со деца од предучилишна возраст.
„Овие кадровски промени се направени со цел продолжување на професионалниот пристап, јакнење на стручноста, стабилно и транспарентно работење, како и градење поголема доверба кај граѓаните,“ велат од локалната самоуправа.
Во текот, на оваа недела се очекуваат и други кадровски промени во јавните прилепски претпријатија!