Учениците од СОУ ,,ЃОРЧЕ ПЕТРОВ ” Прилеп,бод различните профили денеска беа во хуманитарна мисија. Го посетија Домот за стари лица “Киро Крстески – Платник„ и со своите услуги како стручност кои ги изучуваат во средното стручно училиште, предизвикаа насмевки кај штитениците и направија могу среќни лица.
Учениците – медицински сестри мереа крвен притисок, гликемија, пулсиоксиметрија и делеа совети за подобро здравје, фризерите стрижеа, фарбаа и фенираа, „текстилците“ изработија од рециклиран текстил навлаки за перници и ги донираа, козметичарите внесоа свежина со своите изработени сапуни и козметички срества за разубавување, фармацевтите донираа кремови кои сами ги изработија, а професорите во оваа установа помогнаа со донирање на постелнина и помагала. 
Сите заедно, обединети со својата заедничка цел, ги израдуваат, ги разубават, се погрижија за нивното здравје, и ги израдуваа со своето пристуство штитениците од Домот за стари лица „Киро Крстески – Платник“- Прилеп.
Ментори – професори: Наташа Ванчева, Даниела Зојческа, Наташа Мирческа, Наташа Најдоска, Стојне Христоска и Христина П.Димеска беа задоволни од работата на своите ученици и не го криеа задоволството што учениците умешно ја практицираат својата работа и ја покажаа својата вештина и хуманост.
„Денес ние внесовме радост, насмевки, љубов, хуманост кај возрасните но споделивме и многу животни приказни испреплетени со многу емоции“ – истакна стручниот наставник Наташа Ванчева организатор на хуманитарниот настан.
Само пред, неколку дена, ученици од текстилно-кожарската струка, заедно со професорките и
директорката од СОУ “Ѓорче Петров” Прилеп, ја посетија и прилепската болница “Борка Талески” каде што донираа чаршави и навлаки кои тие ги изработија од рециклиран текстил, наменети за потребите на Oртопедско-трауматолошкото одделение и Одделението за анестезија и реанимација.