Во Ликовната галерија на ЦК „Марко Цепенков“ утре, 23 ти декември од 12.00 часот ќе биде поставена изложбата „Ротации“ од прилепскиот уметник Кристијан Јованоски. На Јованоски ова му е прва самостојна изложба по дипломирањето. Уметникот во проектот „Ротации“ поврзува неколку дела од 2018, 2019 и 2020 година. Како што и самиот наслов зборува сам за себе, делата се визуелни прикази на едно т.н. патување и белег на искуства прикажани во простор. Станува збор за инсталација составена од слики, цртежи, и објекти.
Кристијан Јованоски е роден 1995 година во Прилеп. Во 2018 дипломира на Факултетот за ликовни уметности – Скопје при Универзитетот „Св. Кирил и Методиј“ во Скопје, оддел Сликарство со Графички дизајн во класата на проф. м-р Жанета Вангели.
Од 2020 година член е на Друштвото на ликовните уметници на Македонија. Јованоски од 2015 година учествувал на повеќе групни изложби во земјава и странство.