Џудо клубот „Сеишин- Прилеп“ денеска организираше предновогодишен меѓуклубски турнир во џудо. Во спортската сала на ООУ „Кочо Рацин“се натпреваруваа околу 70 џудисти од трите џудо клубови „Сеишен“,„Санкаку“ и Џудо Клубот „Прилеп.
На меѓуклубски турнир во џудо, натпреварувачите се натпреваруваа во три категории: категориите почетници, помали пионери и пионери, во машка и женска конкуренција.
На турнирот беа доделени дипломи за најдобрите, како и благодарници за поддржувачите на џудото . „За посебен придонес во развојот и популаризацијата на џудо спортот“ благодарница му беше доделена и на првиот човек на градот , градоначалникот Борче Јовчески.
„За посебен придонес во развојот и популаризацијата на џудо спортот“, и за негова афирмиција и промоција, благодарница доби и нашиот медиум, Радио Пела, која активно инфомира за активностите на џудо клубовите во Прилеп , со посебен акцент на џудо клубот „Сеишен“ , која благодарница лично ја добивме од ветеранот на овој клуб, Киро Здравески.
