Шаховскиот клуб Прилеп по повод празникот 3-ти Ноември , во центарот на Прилеп организираше отворен ден на шахот , брзопотезен шаховски турнир , шах на отворено на кој присуствуваа сите оние кои ја сакаат оваа древна игра.Несекојдневно но интересно , се играше шах и на големата табла а многумина се испробаа во магијата на шахот и надмудрувањето на шаховските табли кои беа поставени на арт плоштадот.
На оваа празнична манифестација се приклучија професионални шахисти од повеќе клубови но и пријатели и вљубеници на шахот а можеа да се забележат и случајни минувачи кои едноставно сакаа да се испробаат со шаховските фигури.Ова шаховско дружење навистина го привлече вниманието на прилепчани , кои беа и играчи но и публика на шаховските партии.