Една од најстарите манифестации во општина Прилеп „Мариовско – мегленски културни средби“ годинава одбележува четири децении од постоењето. По тој повод за јубилејната 40 –та „Мариовско – мегленска културна средба предвидена е богата културно-уметничка програма и дружба со заеднички ручек.
Манифестацијата ќе се одржи в недела на 28.06.2026 година, традиционално, во предворјето на манастирот „Св. Илија“, во близина на селото Витолиште, со почеток во 10 часот. Пред почетокот на манифестацијата ќе се одржи литургија во црквата од манастирот.
Организаторот, Здружението „Мариовско – мегленски културни средби“ од Прилеп обезбеди бесплатен превоз со автобус, со збирно место за тргнување во 7 часот од пред Центарот
за култура „Марко „Цепенков“.